SANTA MARÍA; A VISITACIÓN, LUNEDA
A
igrexia parroquial de Luneda destaca pola súa sinxeleza cunha fachada
totalmente lisa, cunha porta de entrada de medio punto, e cun humilde
campanario de dous corpos paralelos, coroados cunha pequena cruz de
pedra. Está rodeada polo vello cemiterio, no que xa non se fan
enterramentos ó existir outro afastado da igrexia.
Luneda,
habitada dende tempos ancestrais segundo a tradición, é unha das
parroquias máis antigas da Cañiza. No ano 1571 esta parroquia dependía
do Bispado de Tui e no ano 1664 integrouse na xurisdicción da Orde de
Malta.
O termo Luneda parece ser que lle vén de que as súas xentes lles rendían culto e veneración os astros e á lúa. Antigamente tivo un castelo que servía para a súa defensa no monte chamado do "Castelo".
No ano 1809, os seus veciños loitaron contra os franceses durante a guerra da Independencia, xuntándose cos de Mourentán; a fronte deles estaba o abade de Vilar e do Couto, don Mauricio Troncoso e Sotomaior.
PATROA: A VISITACIÓN
Festa: 31 de Maio
Logo que María Santísima oiu
do anxo Gabriel que a súa curmá Isabel tamén esperaba un fillo, sentiuse
iluminada polo Espírito Santo e comprendeu que debía ir visitar a aquela
familia e axudarlles e levarlles as grazas e bendicións do Fillo de Deus que se
encarnou nela. San Ambrosio anota que foi María a que se adiantou a saudar a
Isabel posto que é a Virxe María a que sempre se adianta a dar mostras de
agarimo a quen ama.
Por medio da visita María
levou Xesús a aquel fogar moitos favores e grazas: o Espírito Santo a Isabel, a
alegría a Xoán, o don de Profecía, etc, os cales constitúen os primeiros
favores que nós coñecemos que fixese na terra o Fillo de Deus encarnado. San
Bernardo sinala aquí que dende entón María quedou constituída como unha
"Canle inmensa" por medio do cal a bondade de Deus envía cara a nós
as cantidades máis admirables de grazas, favores e bendicións.
Ademais, a nosa Nai María
recibiu a mensaxe máis importante que Deus enviou á terra: o da Encarnación do
Redentor no mundo, e deseguido se foi a prestar servizos humildes á súa curmá
Isabel. Non foi como reina e señora senón como serva humilde e fraterna, sempre
disposta a atender a todos que a necesitan.
Esta foi o primeira das
numerosas viaxes de María a axudar aos demais. Até o final da vida no mundo,
Ela estará sempre viaxando para prestar auxilios a quen o estean necesitando.
Tamén foi a primeira marcha misioneira de María, xa que ela foi a levar a Xesús
a que bendicise a outros, obra de amor que segue realizando a cada día e cada
hora. Finalmente, Xesús empregou á súa Nai para santificar a Juan Bautista e
agora ela segue sendo o medio polo cal Xesús nos santifica a cada un de nós que
somos tamén fillos da súa Santa Nai.
(PASAXE BÍBLICO)
PODCAST: PASAXE BÍBLICO
RETABLO INTERACTIVO
VIDEO
LOCALIZACIÓN XEOGRÁFICA
Ver Igrexa de Santa María de Luneda en un mapa más grande
CÓDIGO QR
Ver Igrexa de Santa María de Luneda en un mapa más grande